क्रमश: ओरालो, झर्दैछ जीवन

अनुकुल प्रकाश,


क्रमश: ओरालो, झर्दैछ जीवन
अवत: लाग्दैछ, मर्दैछ जीवन

झिपिक्क झिपिक्क, परेली बनाइ
विगत आँखामा, भर्दैछ जीवन

जिन्दगी भरको, थकाई विचरा
खुईय: खुईय:, गर्दैछ जीवन

सुदुर डाँडामा, बसेर घामझैँ
अन्तिम मुस्कान, छर्दैछ जीवन

चटक्क छाडेर, आफ्नो'र आफन्त
यो'भव: सागर, तर्दैछ जीवन

Read more >>

Read more...

पल-पल आँखैमा छौ, गुनासो छैन (गजल)

अनुकुल प्रकाश,


पल-पल आँखैमा छौ, गुनासो छैन
हर-पल साथैमा छौ, गुनासो छैन ।

पराई नै भयौ त के?, सोचेर हेरें
तिमी मन माझैमा छौ, गुनासो छैन ।

साँझ ढल्छ गहिरिन्छौ, यादमा तिमी
मदहोशी रातैमा छौ, गुनासो छैन ।

नआओस होसमा यो, जिन्दगी हाय:
भरी-भरी प्यालैमा छौ, गुनासो छैन ।

सपना'थे हजार ति, भएनन् पूरा
फेरिपनी सासैमा छौ, गुनासो छैन ।

Read more >>

Read more...

" आह्वान "

अनुकुल प्रकाश,

जवसम्म तिमिमाथि नाङ्गो नाच्नेछन्
अवसरवादी नरपिशाचहरु
जवसम्म तिमी सुम्पिरहनेछौ देशको भविस्य
राष्ट्रघाती हातहरुमा
तवसम्म तिमी वाध्यता ,विवशताको
जन्जिर र फलमे वारभित्र
मानव मुकुन्डो धारी गिद्द र ब्वाँसाहरुको
आशुरी चक्रव्युहरुमा
वन्दी हुनेछौ र निहार्नेछौ आफ्ना
सन्तान दर-सन्तानका भविष्य
आफु जस्तै जीवन बाँचिरहेका, सागोलिक
निरिह कैदिहरुमा!!

छोड तिमी वाध्यता अनी विवशताका
लाछी कुराहरु
कती दिन जिउँछौ??? फालेर पiएका
टुक्रा-टुक्राहरुमा
चुडाउ तिमी ति जन्जिरहरु ,
तोडिदेउ फलामे वारहरु
"दैवलाई दोषदी" नफोर टाउका
मन्दिरका सँगारहरुमा!!

तिमीलाई रुदै कराउदै मiगेर दिन्छ कस्ले ??
अधिकारहरु ,,,
आफ्ना निमुखा अनुहारहरुलाई बदल
जलिरहेको अंगारहरुमा
नियालेर हेर तिमीभित्र नै छ
यो युग पल्टाउने तागतहरु
उगाउ लाभाहरु मनभित्र देखियोस
धुवाँका मुस्ला आँखाहरुमा
कोरिदेउ विजयगाथा बनाएर मसी
हर एक थोपा रगतहरु
छरपस्ट पोतिएका
"""घामका रक्तिम पानाहरुमा"""!!

chitwan,nepal,

Read more >>

Read more...

पहिलो दफा

प्रियामिलन उमङ्गमा थिएँ पहिलो दफा ,

रामकसम मनखुशी जिएँ पहिलो दफा !!

खोलिहेरेँ घुम्टो आहा जूनझैँ मुहार उन्को ,
अंजुलीभर समेटेर लिएँ पहिलो दफा !!

जवानी त्यो प्यालाप्याला छल्कँदैथ्यो अंगअंग ,
नजरले नै अलिअलि पिएँ पहिलो दफा !!

तन मन समर्पण को किस्ती सजाएर ,
संसारलाई भुली-समेsटिएँ पहिलो दफा

हाँसो खुशी आफ्नो भन्नु सारा-सारा बटुलेर
सर्वश्व लौ उनीलाई नै दिएँ पहिलो दफा !!

अनुकुल प्रकाश

Read more >>

Read more...

झुठो रैछ जाली रैछ वेइमानी त्यो मायाँ

बिर्सिदिन्छु भन्दापनि पछ्याइरन्छ छायाँ

झुठो रैछ जाली रैछ वेइमानी त्यो मायाँ
..
मुटु भित्र जता छामु चोटहरुकै खात
लत्याईगइन चोखोमायाँ छैन कुनै आश
दुखिरन्छ पोलीरन्छ होइन घाऊ नयाँ
झुठो रैछ जाली रैछ वेइमानी त्यो मायाँ
..
तन दिएँ मन दिएँ धन उनकै साथ
रमितेको पात्र भएँ दुनियाँको माझ
जलाई मुटु बाँच्नुभन्दा प्यारो मृत्युसैया
झुठो रैछ जाली रैछ वेइमानी त्यो मायाँ
..
अनुकुल प्रकाश

Read more >>

Read more...

कथा उपकथाविचको एकादेश

सुस्तामा -
आमाकै अघि छोरीसङ्गै
कोइलावासमा -
सासुकै अघि वुहारीसङ्गै
हरदिन हररात -
आँफै बलात्‍कृत हुँदैछ ।

वर्षौ पहिले ढुङ्गा ,मुङ्ग्रा
र खुकुरीको भरमा
कमाएको एउटा पाटो
कहिले पुर्व त कहिले पश्चिम
कहिले उत्तर त कहिले दक्षिण
च्यापिन्छ -च्यातिन्छ
वर्षे भेलले गैह्री खेत हानेझैँ
चोइटा चोइटा माटो हार्दैछ

आफ्ना हीमथुनहरु पगालेर,
सन्तानको आँत भिझाउने,
रहर त साँच्दो हो.....
र पनि काली र कोशीसङ्गै
आँफै लुटीनुको पिडा भोग्दैछ ।

सुन्दै छु कता कता -
एक हूल फलामे गिद्दहरु
परेड खेल्दै थिए .....
उस्को नीलो पछ्यौरीमा ।

जो आज किस्ता किस्ता -
माटो हार्दैछ, पानी हार्दैछ
आकाश सङ्गै हावा हार्दैछ
भोली पूर्ण इज्जत अस्त्तित्व हार्न के वेर ??

यि विभत्स घटना परिघटनादेखी
जानी जानी अन्जान , एक हूल
विप्ल्याँटा मान्छेहरुबाट शाषित
यो भूगोल को एउटा कुनामा
नम्बरि हुन नसकेर ऐलानीमै बाँचेको
आफ्ना कैयन् कथा उपकथाहरुकोविचमा
एकादेश छ ।

अनुकुल प्रकाश

Read more >>

Read more...

खबरदार छ यो खेलमा माफि छैन झेल..!

..
मिलनको पहिलो रातमा खेलौं एउटा खेल
खबरदार छ यो खेलमा माफि छैन झेल..!
..
दुई शरीर आपसमा, एउटै भयो मुटु
जिन्दगिको मेला भर्न मिलाऔं तालमेल..!
..
तिमी धर्ती म आकाश स्रीस्ट्री सम्भव छ
विऊ रोपौं साथ मिली सपार्नु छ फूल ..!
..
टुट्न सक्छ पहाड पनि फुट्न सक्छ बाँध
हातेमाले गर्दा- गर्दै ,तरौंला'नी भेल..!
..
किन?खानु बाचा कसम किन गर्नु भूल
पोल्टो थाप पोख्छु मायाँ अब छताछुल्ल..!

Read more >>

Read more...

तिम्रो मायाँ मुटु भित्र काँडा बनी बस्यो !!

टाढा भयौ यो ज्यानमा चट्याङ् ठुलो खस्यो
तिम्रो मायाँ मुटु भित्र काँडा बनी बस्यो !!
.
ढुकढुकिमा विताएका मिठा पलका धुन्'छ
निमेषभरमै विर्सिएछौ भनी मन रुन्छ !
बाचा कसम सबै तिम्रो पानी सँगै वग्यो
तिम्रो मायाँ मुटु भित्र काँडा बनी बस्यो !!
.
ढुङ्गै रैछ भगवान त ढुङ्गाको नै मन् छ
मुटु जल्दै दन्किएको व्यथा कस्ले बुझ्छ !
थाहै नपाई जिन्दगीमा भेलबाढी पस्यो
तिम्रो मायाँ मुटु भित्र काँडा बनी बस्यो !!
.
टाढा भयौ यो ज्यानमा चट्याङ् ठुलो खस्यो
तिम्रो मायाँ मुटु भित्र काँडा बनी बस्यो !!

Read more >>

Read more...

मेरो देश......... मेरो ढुकढुकी !!

जहाँ,

घामका पहिला किरणहरु
हिमालका छातीहरुमा
निर्वाध ठोक्किएर ,
जङ्गलका पातहरुका
थोपा थोपा पानीहरुलाई
आफ्नो स्पर्शले मोतिमा रुपान्तर गरी
हिमतालहरुमा चोखिएर
वस्ति वस्तिका हरअनुहारहरुमा
पोतिन्छ ,
तव हाँस्छ जीवन ....
मधुर मुस्कान लिएर
हिमालका खर्कहरुमा ,
पहाडका पाखाहरुमा ,
तराइका फाँटहरुमा ,
हो ।।। त्यही ....
मेरो देश
मेरो नेपाल
मेरो ढुकढुकी हो ।

Read more >>

Read more...

'गीत'(तिहारको)

'गीत'(तिहारको)

**
मखमली माला गाँसे है दिदी,
मै आउँला तिहरमा ।
सप्तरङ्गी टीका हर्षले लाउली,
यो भाईको निधारमा ।
**
बितेका सालका आँशुका भारा,
म पक्कै तिरौँला ।
तिम्रो त्यो माया आशिर्वाद साथै,
लिएर फिरौँला ।
**
सुन्दैछु मत सँस्कृति हाम्रा,
बद् नाम हुँदैछ ।
दोहोरी झ्याउरे मारुनी साथै,
रोधिघर रुँदैछ ।
**
हे प्यारासाथी सँस्कृति सबै,
व्यर्थ हौ नठान ।
सँस्कृति भित्रै पाउँछौ आफ्नो,
परिचय लौ जान ।
**
सम्झना ताजा मुटुमा मिठो,
साँचेको छु मैले ।
मायालु संगै रोधी हौ गाउँदै,
नाच्ने छु धोकैले ।
**
यो भाईचारा सद् भाव बांड्ने,
वाहाना राम्रो छ ।
अमुल्य हेर चाड र पर्व,
सँस्कृति हाम्रो छ ।
**
जुटाए साथी बाजा औ गाजा,
मादलु सारङ्गी ।
धौशी र भैली खेलौला मिली,
जोगाउँला सँस्कृति ।
**
कामना गर्छु खुशीले सबको,
वित्योस् है तिहार ।
सुख र शान्ती हर जनबिच,
बढोस है पियार
**
( साथै अनुकुल संसार ,हेर्नुहुने सम्पूर्ण साथीहरु र सम्पूर्ण नेपालीहरुमा " शुभ-दीपावलीको शुभ-अवसरमा हार्दिक मंगलमय शुभकामना व्यक्त गर्दछु ।

अनुकुल प्रकाश
संपर्क plz_welcome077@yahoo.com

Read more >>

Read more...