अनुकूल संसार

मिठा मिठा वात गरौँ सल्लेरिमा आउ

2010-10-01T04:49:00.000-07:00

अनुकुल प्रकाश,

मिठा मिठा वात गरौँ सल्लेरिमा आउ
आँखा भित्र भित्रै मन्को मझेरिमा आउ

विनासित्ती पछुत्तोमा पर्नुपर्ला भोली
बगेपछी फर्कँदैन वैंश भन्नु खोली
कति हिंड्छौ एक्लै एक्लै जिन्दगीका बाटा
गाह्रो सारो पर्न सक्छ थाम मेरो हात

साथ दिम्ला जुनि जुनि सँधेरिमा आउ
आँखा भित्र भित्रै मन्को मझेरिमा आउ

साथी बिना जिन्दगीमा बाँच्नु गाह्रो हुन्छ
रमाउँछ जिन्दगी यो मायाँ जहाँ फूल्छ
जिन्दगानी घामपानी मिलिजुली काटौँ
तिम्रो मायाँ मेरो मायाँ राजिखुशी साटौँ

लाख विन्ती प्रिया मेरो बसेरिमा आउ
आँखा भित्र भित्रै मन्को मझेरिमा आउ

पुन: एउटा तस्विर कोर्नुछ,,

2010-09-12T02:26:00.000-07:00

पुन: एउटा तस्विर कोर्नुछ,,

अनुकुल प्रकाश,,

समयको फुलटिनमा
सिङ्गै घाम भरेर
यो धर्तीको क्यानभाषमा
पुन:एउटा तस्विर कोर्नुछ

पगालेर सूर्यका लप्काहरु
यि कुन्यौटा बस्तिहरुमा
मलिन अनुहारविच
धुमिल आँखाहरुका किनाराहरुलाइ
गाढा धर्सा पारेर
चम्काउनुछ.... तिखार्नुछ

जसरी
औँशिको विशाल पटोलाई
जूनकिरिले टुक्रा टुक्रा
बानाइ काट्छ र ....
भिमकाय रात
गर्ल्याम्म ढाल्छ
नयाँ विहानीको सपना बुनेर
त्यसरी
हर रोवोर्ट अनुहारहरुलाई
हर काला वस्तिहरुलाई
भविष्य खोज्न... रोज्न
सपना छेक्न... देख्न
सापटि र अनुदानमा
मशालको उज्यालो पर्खने...
निर्जिव शालिक हैन
सचेतन.. सजिव.. सक्रिय
ज्वालामुखी बनाउनुछ, बन्नुछ
आँखाबाट लाभा ओकल्नुछ
स्वयम् वल्नुछ.. चम्कनुछ... चम्काउनुछ

समयको फुलटिनमा
सिङ्गै घाम भरेर
यो धर्तीको क्यानभाषमा
पुन:एउटा तस्विर कोर्नुछ

पिउनुमा लाजकिन , रहर छँदाछँदै,

2010-09-05T20:02:00.001-07:00

पिउनुमा लाजकिन , रहर छँदाछँदै,
साथ दिन हेर सिङ्गै, नगर छँदाछँदै !

मदहोशी रात अनी, हात छ मायालुको,
लुटिनुछ गुलावी ति, नजर छँदाछँदै !

डर छैन लर्खराए, कदम जतातता ,
अँगालोमा प्रेयसिको, अधर छँदाछँदै !

प्यालाप्याला शानसङ्ग, जुधाउ अङ्गअङ्ग,
ईशारामा गजलको, सदर छँदाछँदै !

जवानीले भरीभरी, बैँशालु जोडी सुन,
याद राख पोखिनुछ, असर छँदाछँदै!

नयाँ परिभषा प्रेमको, बुझाएर गयौ !

2010-08-10T03:34:00.000-07:00

.. अनुकुल प्रकाश ,,
..
नयाँ परिभषा प्रेमको, बुझाएर गयौ !
आशा अभिलाषा जीवन्को, टुटाएर गयौ !!
..
मन्मा बसन्तको भर्खर, आगमन थियो ,
वरा! मनडाली भाँचेर, सुकाएर गयौ !!
..
गाँस्नु रैन रैछ पिरती, हैसिएत मेरै
आँखो अन्धो थियो मनको, खुलाएर गयौ !!
..
भनी बाँच्नुपर्छ तिमीले, 'साथबिना मेरो',
मर्नुभन्दा ठुलो सजाएँ, सुनाएर गयौ !!
..
लुट्यौ लुट्नुसम्म आखिर, प्यासीनै'छ अनु,
खुशी नै'छु धोको तिमीले, पु-याएर गयौ !!
..

तिमीफेरी यादआयौ घरिघरी याद आयौ

2010-08-10T03:29:00.001-07:00

अनुकुल प्रकाश ,
..
तिमीफेरी यादआयौ घरिघरी याद आयौ
एकनास साउनको झरिसरी याद आयौ !!
..
फुटिआयो मनबाँध थामिराख्छु भन्दाभन्दै
रुवाउन कठै! कठै! छालपरी याद आयौ ,,
..
गोठालामा खेतालामा उकालीमा चौतारीमा
लेकवेँसी फाँटैफाँट छरिबरी याद आयौ ,,
..
आँखा खोले विपनिमा बन्द गरे सपनिमा
सम्झनाको पिटारीमा भरिभरी याद आयौ ,,
..
तेरो मायाँ तेरो छाँया तेरो नाम भन्दापर
जान्छु भनी गयौफेरी भूलगरी याद आयौ !!

रुप राम्रो आँखा राम्रो,

2010-08-10T03:26:00.001-07:00

अनुकुल प्रकाश ,चितवन

रुप राम्रो आँखा राम्रो,
मिठो वोली भाका राम्रो ,,

लोभै लाग्ने रसिला ति,
स्याउजस्ता गाला राम्रो,,

फूलिआयो उन्को बैँश ,
भँमराको चाहा राम्रो ,,

जून राम्रो घाम राम्रो ,
हाँस्दा उनी सारा राम्रो ,,

सादा वस्त्र आभूषण ,
पैरिएरै मायाँ राम्रो ,,!!

जस्ले भेट्यो तिमीलाई उही पागल छ यहाँ ,

2010-08-10T03:24:00.000-07:00

अनुकुल प्रकाश ,चितवन ,

जस्ले भेट्यो तिमीलाई उही पागल छ यहाँ ,
बचाउँछौ कस्कस्लाई गाऊँ घायल छ यहाँ !

अस्ती तिमी हिंडेकीथ्यौ मेरो घरको बाटोभै
वौलएछ मौसम'नि वर्षा वादल छ यहाँ !!

अर्जी पर्‍यो भोलेलाई तिमी आफ्नो बनाउन
भक्त सबै वरावर सब्को भाकल छ यहाँ !!

तिम्रो घर्'को आँगनिमा अनु सधैं पछी किन??
जो जो भेटेँ सोधिहेरेँ उस्कै म|वल छ यहाँ !!

हाजिर छु म पनि त ! ईशारा पो बक्सन्छ कि !
तयारीमा सिन्दूर छ टिका गाजल छ यहाँ !!

क्रमश: ओरालो, झर्दैछ जीवन

2010-01-18T05:04:00.000-08:00

अनुकुल प्रकाश,

क्रमश: ओरालो, झर्दैछ जीवन
अवत: लाग्दैछ, मर्दैछ जीवन

झिपिक्क झिपिक्क, परेली बनाइ
विगत आँखामा, भर्दैछ जीवन

जिन्दगी भरको, थकाई विचरा
खुईय: खुईय:, गर्दैछ जीवन

सुदुर डाँडामा, बसेर घामझैँ
अन्तिम मुस्कान, छर्दैछ जीवन

चटक्क छाडेर, आफ्नो'र आफन्त
यो'भव: सागर, तर्दैछ जीवन

पल-पल आँखैमा छौ, गुनासो छैन (गजल)

2010-01-12T07:32:00.000-08:00

अनुकुल प्रकाश,

पल-पल आँखैमा छौ, गुनासो छैन
हर-पल साथैमा छौ, गुनासो छैन ।

पराई नै भयौ त के?, सोचेर हेरें
तिमी मन माझैमा छौ, गुनासो छैन ।

साँझ ढल्छ गहिरिन्छौ, यादमा तिमी
मदहोशी रातैमा छौ, गुनासो छैन ।

नआओस होसमा यो, जिन्दगी हाय:
भरी-भरी प्यालैमा छौ, गुनासो छैन ।

सपना'थे हजार ति, भएनन् पूरा
फेरिपनी सासैमा छौ, गुनासो छैन ।

" आह्वान "

2010-01-07T20:25:00.000-08:00

अनुकुल प्रकाश,

जवसम्म तिमिमाथि नाङ्गो नाच्नेछन्
अवसरवादी नरपिशाचहरु
जवसम्म तिमी सुम्पिरहनेछौ देशको भविस्य
राष्ट्रघाती हातहरुमा
तवसम्म तिमी वाध्यता ,विवशताको
जन्जिर र फलमे वारभित्र
मानव मुकुन्डो धारी गिद्द र ब्वाँसाहरुको
आशुरी चक्रव्युहरुमा
वन्दी हुनेछौ र निहार्नेछौ आफ्ना
सन्तान दर-सन्तानका भविष्य
आफु जस्तै जीवन बाँचिरहेका, सागोलिक
निरिह कैदिहरुमा!!

छोड तिमी वाध्यता अनी विवशताका
लाछी कुराहरु
कती दिन जिउँछौ??? फालेर पiएका
टुक्रा-टुक्राहरुमा
चुडाउ तिमी ति जन्जिरहरु ,
तोडिदेउ फलामे वारहरु
"दैवलाई दोषदी" नफोर टाउका
मन्दिरका सँगारहरुमा!!

तिमीलाई रुदै कराउदै मiगेर दिन्छ कस्ले ??
अधिकारहरु ,,,
आफ्ना निमुखा अनुहारहरुलाई बदल
जलिरहेको अंगारहरुमा
नियालेर हेर तिमीभित्र नै छ
यो युग पल्टाउने तागतहरु
उगाउ लाभाहरु मनभित्र देखियोस
धुवाँका मुस्ला आँखाहरुमा
कोरिदेउ विजयगाथा बनाएर मसी
हर एक थोपा रगतहरु
छरपस्ट पोतिएका
"""घामका रक्तिम पानाहरुमा"""!!

chitwan,nepal,

पहिलो दफा

2009-12-25T19:41:00.000-08:00

प्रियामिलन उमङ्गमा थिएँ पहिलो दफा ,

रामकसम मनखुशी जिएँ पहिलो दफा !!

खोलिहेरेँ घुम्टो आहा जूनझैँ मुहार उन्को ,
अंजुलीभर समेटेर लिएँ पहिलो दफा !!

जवानी त्यो प्यालाप्याला छल्कँदैथ्यो अंगअंग ,
नजरले नै अलिअलि पिएँ पहिलो दफा !!

तन मन समर्पण को किस्ती सजाएर ,
संसारलाई भुली-समेsटिएँ पहिलो दफा

हाँसो खुशी आफ्नो भन्नु सारा-सारा बटुलेर
सर्वश्व लौ उनीलाई नै दिएँ पहिलो दफा !!

अनुकुल प्रकाश

झुठो रैछ जाली रैछ वेइमानी त्यो मायाँ

2009-12-25T10:28:00.000-08:00

बिर्सिदिन्छु भन्दापनि पछ्याइरन्छ छायाँ

झुठो रैछ जाली रैछ वेइमानी त्यो मायाँ
..
मुटु भित्र जता छामु चोटहरुकै खात
लत्याईगइन चोखोमायाँ छैन कुनै आश
दुखिरन्छ पोलीरन्छ होइन घाऊ नयाँ
झुठो रैछ जाली रैछ वेइमानी त्यो मायाँ
..
तन दिएँ मन दिएँ धन उनकै साथ
रमितेको पात्र भएँ दुनियाँको माझ
जलाई मुटु बाँच्नुभन्दा प्यारो मृत्युसैया
झुठो रैछ जाली रैछ वेइमानी त्यो मायाँ
..
अनुकुल प्रकाश

कथा उपकथाविचको एकादेश

2009-12-17T11:43:00.000-08:00

सुस्तामा -
आमाकै अघि छोरीसङ्गै
कोइलावासमा -
सासुकै अघि वुहारीसङ्गै
हरदिन हररात -
आँफै बलात्‍कृत हुँदैछ ।

वर्षौ पहिले ढुङ्गा ,मुङ्ग्रा
र खुकुरीको भरमा
कमाएको एउटा पाटो
कहिले पुर्व त कहिले पश्चिम
कहिले उत्तर त कहिले दक्षिण
च्यापिन्छ -च्यातिन्छ
वर्षे भेलले गैह्री खेत हानेझैँ
चोइटा चोइटा माटो हार्दैछ

आफ्ना हीमथुनहरु पगालेर,
सन्तानको आँत भिझाउने,
रहर त साँच्दो हो.....
र पनि काली र कोशीसङ्गै
आँफै लुटीनुको पिडा भोग्दैछ ।

सुन्दै छु कता कता -
एक हूल फलामे गिद्दहरु
परेड खेल्दै थिए .....
उस्को नीलो पछ्यौरीमा ।

जो आज किस्ता किस्ता -
माटो हार्दैछ, पानी हार्दैछ
आकाश सङ्गै हावा हार्दैछ
भोली पूर्ण इज्जत अस्त्तित्व हार्न के वेर ??

यि विभत्स घटना परिघटनादेखी
जानी जानी अन्जान , एक हूल
विप्ल्याँटा मान्छेहरुबाट शाषित
यो भूगोल को एउटा कुनामा
नम्बरि हुन नसकेर ऐलानीमै बाँचेको
आफ्ना कैयन् कथा उपकथाहरुकोविचमा
एकादेश छ ।

अनुकुल प्रकाश

खबरदार छ यो खेलमा माफि छैन झेल..!

2009-12-10T08:33:00.000-08:00

..
मिलनको पहिलो रातमा खेलौं एउटा खेल
खबरदार छ यो खेलमा माफि छैन झेल..!
..
दुई शरीर आपसमा, एउटै भयो मुटु
जिन्दगिको मेला भर्न मिलाऔं तालमेल..!
..
तिमी धर्ती म आकाश स्रीस्ट्री सम्भव छ
विऊ रोपौं साथ मिली सपार्नु छ फूल ..!
..
टुट्न सक्छ पहाड पनि फुट्न सक्छ बाँध
हातेमाले गर्दा- गर्दै ,तरौंला'नी भेल..!
..
किन?खानु बाचा कसम किन गर्नु भूल
पोल्टो थाप पोख्छु मायाँ अब छताछुल्ल..!

तिम्रो मायाँ मुटु भित्र काँडा बनी बस्यो !!

2009-12-10T08:26:00.000-08:00

टाढा भयौ यो ज्यानमा चट्याङ् ठुलो खस्यो
तिम्रो मायाँ मुटु भित्र काँडा बनी बस्यो !!
.
ढुकढुकिमा विताएका मिठा पलका धुन्'छ
निमेषभरमै विर्सिएछौ भनी मन रुन्छ !
बाचा कसम सबै तिम्रो पानी सँगै वग्यो
तिम्रो मायाँ मुटु भित्र काँडा बनी बस्यो !!
.
ढुङ्गै रैछ भगवान त ढुङ्गाको नै मन् छ
मुटु जल्दै दन्किएको व्यथा कस्ले बुझ्छ !
थाहै नपाई जिन्दगीमा भेलबाढी पस्यो
तिम्रो मायाँ मुटु भित्र काँडा बनी बस्यो !!
.
टाढा भयौ यो ज्यानमा चट्याङ् ठुलो खस्यो
तिम्रो मायाँ मुटु भित्र काँडा बनी बस्यो !!

मेरो देश......... मेरो ढुकढुकी !!

2009-12-08T10:02:00.000-08:00

जहाँ,

घामका पहिला किरणहरु
हिमालका छातीहरुमा
निर्वाध ठोक्किएर ,
जङ्गलका पातहरुका
थोपा थोपा पानीहरुलाई
आफ्नो स्पर्शले मोतिमा रुपान्तर गरी
हिमतालहरुमा चोखिएर
वस्ति वस्तिका हरअनुहारहरुमा
पोतिन्छ ,
तव हाँस्छ जीवन ....
मधुर मुस्कान लिएर
हिमालका खर्कहरुमा ,
पहाडका पाखाहरुमा ,
तराइका फाँटहरुमा ,
हो ।।। त्यही ....
मेरो देश
मेरो नेपाल
मेरो ढुकढुकी हो ।

'गीत'(तिहारको)

2009-10-13T06:42:00.000-07:00

'गीत'(तिहारको)

**
मखमली माला गाँसे है दिदी,
मै आउँला तिहरमा ।
सप्तरङ्गी टीका हर्षले लाउली,
यो भाईको निधारमा ।
**
बितेका सालका आँशुका भारा,
म पक्कै तिरौँला ।
तिम्रो त्यो माया आशिर्वाद साथै,
लिएर फिरौँला ।
**
सुन्दैछु मत सँस्कृति हाम्रा,
बद् नाम हुँदैछ ।
दोहोरी झ्याउरे मारुनी साथै,
रोधिघर रुँदैछ ।
**
हे प्यारासाथी सँस्कृति सबै,
व्यर्थ हौ नठान ।
सँस्कृति भित्रै पाउँछौ आफ्नो,
परिचय लौ जान ।
**
सम्झना ताजा मुटुमा मिठो,
साँचेको छु मैले ।
मायालु संगै रोधी हौ गाउँदै,
नाच्ने छु धोकैले ।
**
यो भाईचारा सद् भाव बांड्ने,
वाहाना राम्रो छ ।
अमुल्य हेर चाड र पर्व,
सँस्कृति हाम्रो छ ।
**
जुटाए साथी बाजा औ गाजा,
मादलु सारङ्गी ।
धौशी र भैली खेलौला मिली,
जोगाउँला सँस्कृति ।
**
कामना गर्छु खुशीले सबको,
वित्योस् है तिहार ।
सुख र शान्ती हर जनबिच,
बढोस है पियार
**
( साथै अनुकुल संसार ,हेर्नुहुने सम्पूर्ण साथीहरु र सम्पूर्ण नेपालीहरुमा " शुभ-दीपावलीको शुभ-अवसरमा हार्दिक मंगलमय शुभकामना व्यक्त गर्दछु ।

अनुकुल प्रकाश
संपर्क plz_welcome077@yahoo.com

आउ हामी चुम्बन गरौँ !!

2009-10-11T10:45:00.000-07:00

साँच्चै !!
मरीलानु के छ र जिन्दगीमा ?
किन ?
हामी एक्लै एक्लै भाग्दैछौ !!
जीवन यात्रा नै हो ,
यदी भन्छौ भने-
सुलभ बाटाहरु मात्र छन् कहाँ ??

कैयन् अफ्ठ्यारा घुम्तीहरु होलान् ,
कैयन् उकाली ओरालीहरु होलान् ,
कैयन्,
डरलाग्दा भिर र जगाँरहरु होलान् !
सायद्,
कतै तिमी लडौली वा थाकौली ,
कतै म भुलौँला वा डुबौँला !!

र पो म भन्छु,
यस जीवनपथमा !
हामी एक अर्काको परिपूरक
भएर यात्रा गरौँ ....
जहाँ तिमी मलाई साथ देऊ ,
म तिमीलाई दिनेछु !!
हामी पक्कै हार्ने छैनौ ,
हराउने पनि छैनौ ,
न लड्ने वा खस्ने नै छौँ ,
डुब्ने र थाक्नेको त कुरै आउँदैन !

त्यैसैले ,
यी यावत र तपशिलका

आरोह अवरोह हरुका
एक भै एक्मुष्ट सामना गर्न !
आउ मिलेर एउटा सम्झौता गरौँ
ओठका पानाहरुमा ,
सामुहिक हस्ताक्षर गरौँ !
आउ हामी चुम्बन गरौँ !!

जानु नै थियो त आयौ किन? (गजल)

2009-10-07T12:04:00.000-07:00

जानु नै थियो त आयौ किन?

जानी जानी पराई बनायौ किन ?
चटक्कै मायाँ मार्नु नै थियो !
देवता भाकी कसम खायौ किन ?

एक्लो एक्लै थिएँ जीवनपथमा !
सहयात्री भै हात समायौ किन ?

उजाडिएको मन-मन्दिर मेरो !
वेली-चमेली ल्याई सजायौ किन ?

पल-भरमै मुटु तोड्नु थियो !
बना-वटि मायाँ लायौ किन ?

सम्झी-सम्झी सधैं रूवाउन मलाई !

प्यार-भरी गजल गायौ किन ?

मन भित्रको मायाँ

2009-10-05T20:48:00.000-07:00

,,,,,,,,,,मन भित्रको मायाँ,,,,,,,,,, ..

मन भित्रको मायाँ आज,फुलौँ फक्रौँ भन्छ
मायाँलुलाई सजाउनलाई,मायाँकै यो मन छ।
..
संगै जीउने मर्ने संगै, सपना बटुलेर
मायाँ-प्रीती साट्न भनी, भावना समेटेर
..
मन यो वाटो कुरी सधैं, पर्खिबसुँ भन्छ
मायाँलुलाई सजाउनलाई,मायाँकै यो मन छ।
..
उनकै यादले सधैंभरी, टोलाइरने पार्यो
केभो केभो यो मायाँले, मार्नुसम्म मार्यो
..
मन यो पत्र कोरी प्रेम,प्रस्ताव राखुँ भन्छ
मायाँलुलाई सजाउनलाई,मायाँकै यो मन छ।
..
देउराली'को उकालीमा, गोठालाका भीडमा
वनबाट गुराँस टीपी, लगाइदिउकी? शीरमा

मन यो गुराँसरङझै गाढा, मायाँलाउँछु भन्छ
मायाँलुलाई सजाउनलाई,मायाँकै यो मन छ।
..
मन भित्रको मायाँ आज,फूलौँ फक्रौँ भन्छ
मायाँलुलाई सजाउनलाई,मायाँकै यो मन छ। ..

गजल (देखेँ तिम्लाई टुट्यो मन्को वहाव जिन्दगीमा )

2009-09-30T12:00:00.000-07:00

देखेँ तिम्लाई टुट्यो मन्को वहाव जिन्दगीमा
सुस्त सुस्त फेरिँदै-छ स्वभाव जिन्दगीमा !!

सधैं सधैं एकान्तमा पिउँछु तिम्रै तस्विर
राम कसम छाडि-दिएँ सराव जिन्दगीमा !!

एेना हेर्छु घरि-घरि सोह्रै श्रीङ्गार गर्छु
आँफै आँफै बढ्दैगा'छ लगाव जिन्दगीमा !!

के जुधेथ्यो नजर नजर ओठ टोकी हाँस्यौ
मनै भरी फूल्न थाल्यो गुलाव जिन्दगीमा !!

कल्पँदैछु मिलनको अनुपम मधुर ति पल
यस्तो लाग्छ तिमी एउटै ख्वाव जिन्दगीमा !!

दशै आयो !!!

2009-09-23T07:52:00.000-07:00

दशै आयो !!!

हुनत ! यो गज़ल अघिल्लो वर्ष नै http://www.nepalplus.com/ मा प्रकाशित भैसकेको छ, जनआन्दोलन २ सफल भए पश्चातको पहिलो दशैं थियो,त्यतिखेर मैले जो यस गज़ल मार्फत कामना गरेको थिए, कति पूरा भए त्यो त थाहा नै भएन तैपनि यसपाली नेपाल गणतान्त्रिक भैसकेपछिको पनि पहिलो दशैं हो यो त्यतिखेर पूरा नभएका हुनुपर्ने सम्पूर्ण कामहरु यसपाला पूरा होस् भन्ने कामनाका साथ यसै गज़ल लाइ लिएर उपस्थित छु !!
र सम्पूर्ण जनहरुको मनोकामना यस पावन पर्व बडा दशैं मा पूरा होस् भनि शुभकामना दिन चाहन्छु !!

शुभ दशैं !! शुभ दशैं !! शुभ दशैं !!.....................

***त्यागौ सब्ले रिसराग साथै मनको मैलो, दशै आयो
नयाँ युगमा नयाँ नेपालको हेर पहिलो ,दशैं आयो !!

दर्पण झै छ साझा चाह शान्ती मात्र नेपालीको
नहोस् है त कतै साथी भाँड- भैलो ,दशै आयो !!
नयाँ युगमा नयाँ नेपालको हेर पहिलो, दशैं आयो!!!

प्रण गरौ सब मिली स्वच्छ समाज निर्माणको
छोडौ जुवातास छोडौ जाँड्को घैलो ,दशै आयो !!
नयाँ युगमा नयाँ नेपालको हेर पहिलो, दशैं आयो!!!

मेची-काली तराइ-पहाड छरिएका हामी नेपाली
एकजुट भै मिली मनाऔ कालो-कैलो ,दशै आयो!!
नयाँ युगमा नयाँ नेपालको हेर पहिलो ,दशैं आयो!!!

सुख सम्रीद्दी सबतिर छाओस प्रार्थाना गरौ भवानीको
स्वागत गरौ खुला राखी मनको दैलो ,दशै आयो !!
नयाँ युगमा नयाँ नेपालको हेर पहिलो, दशैं आयो!!!

गजल

2009-09-17T23:11:00.000-07:00

तिमी आयौ त मौसम वहार आयो
निरस यो जीवनमा असार आयो

हिजोसम्म उजाड उजाडै थियो मन्
तिमीसँगै हरियाली अपार आयो

म जो बाटो भुलेर हारेको थिए
तिमीसामु गन्तव्य आकार आयो

देखेर यी फूल मुस्काइ फुलेका
लाग्छ आँगनीमै सुन्दर संसार आयो

कसरी सँगालु यि तिमीले दिएका
एकैसाथ खुशीयाली हजार आयो

अभिवादन/स्वागत

2009-09-16T12:12:00.000-07:00

**पानीमा पर्यो रिमी र झिमी , हिउँ पर्यो उ पारि !
तिम्रो र हाम्रो भेट होला भनि, आको भीमसेन पुकारी !**

सम्पूर्ण साथीहरुलाई हार्दिक अभिवादन साथै अनुकुल संसार मा हार्दिक स्वागत पनि
अनु वौलाएछ भन्नुहोला ! नवोलिकनै पहिला २ वटा रचनाहरु ब्लगमा टाँसेर यतिखेर अभिवादन गर्दैछ अनि स्वागत पनि भनेर .....,के गर्ने ख्याल ख्यालमै ब्लग खोल्न पुगें कर्यव्यस्थताले गर्दा ब्लगलाई समयनै दिन नपाउने भएकाले पहिला नै http://www.nepalplus.com/ मा प्रकाशित मेरा रचनाहरु टाँसेको थिएँ
त्यसैले आजभन्दा पहिला नै ब्लग घुम्नुहुने सम्पूर्ण साथीहरुप्रति म हार्दिक आभार व्यक्त गर्दछु र तपशिलका दिनहरुमापनि यहाँहरुको मिठो साथको आशा राख्दछु !

अव जबरजस्ती भएपनि हप्तामा १/२ दिनको केहि समय ब्लगको लागि निकाल्ने कोशिसमा छु ! वास्तवमा ब्लग गर्ने मेरो रहर थिएन र पनि अनायासै यो ब्लग मोहमा तानिएँ कारण मेरा कलमका साथीहरु जसले मेरा रचनाहरु अन्य ब्लगहरुमा पढ्नुहुन्छ,मलाइ सुझाव दिनुहुन्छ उहाँहरुसंग डिजिटल पत्राचार हुँदा धेरैले तपाईंको ब्लग हेर्छौ दिनु न भनेर बार बार सोधिरहंदा ......छैन भन्दा भन्दा थाकेर यो ब्लगको सुरुवात भयो र खुशीको कुरा अव साथिहरुसंग पत्राचार हुँदा मेरो ब्लग छ हेर्नुस भन्ने मौका पाएको छु !

साथै म नयाँ ब्लगर भएकोले सम्पूर्ण पूराना नेपाली ब्लगर साथिहरुसंग सहयोग को ठूलो आशा राखेको छु र ब्लग मा मलाइ सहयोग गर्नुहुने भाई उमेशलाई धन्यवाद दिन चाहन्छु |

परदेशी छोरालाई आमाको चिठ्ठी

2009-09-13T11:44:00.000-07:00

(यो कविता मैले १ वर्ष पहिला नै लेखेको हुँ । सायद् म प्रवास मा रहनु नै यो कविता जन्मको मूल कारण हो । मैले मेरो र म जस्तै प्रवासी साथीहरुको आमाहरुको या भनौ नेपाली आमाहरुको मनोभाव कवितामा उतार्ने कमजोर चेष्टा गरेको हुँ । )

.
*बावु तिम्रो चिट्ठी पाएँ पढ्छु घरी-घरी

लुकि-लुकी एकान्तमा रुन्छु गहभरी

यो दु:खिको तर्फबाट मुटुभरी माया

नपरोसहै कहिल्यैपनि तिम्लाई कालो छायाँ ।
.
तिम्रा बा'नि देख्छन अरे सपना नानाथरी

दिदी-बहिनी सम्झिरन्छन तिम्लाई सधैंभरी

आउन बावु आउन तिमी आउन हाम्फाली

तिमी संगै मनाउनु छ दसैं यस्पाली ।
.
खोजिरन्छन घर-आँगन खोज्छन वन-पाखा

तिम्रो बाटो हेरी-हेरी दुखे ,बुढा आँखा !

चाहिन मैले शहर-रहर ,चाहिन नयाँ ठाउँ

तिमिसंगै बस्दा लाग्छ प्यारो आफ्नो गाउँ ।
.
मन्'का व्यथा मन्'मै राख्छीन् कठै विचरी(सुन्तली)

तिम्रै फोटो सिरानी मा, हुन्छ हर-घडी

औंला भाँच्दै देख्छु सधैं दिन गनिराको

कसरी हेरुँ यो उमेरमा एक्लै टोलाइराको ।
.
रुखो-सुखो पिठो खाउँला सबै मिलि-जुली

साग,सिस्नो पकाइ'देली तिम्री सुन्तली

लगेको'हो रीन बावु लाग्या छैन दीन

यै माटोमा पसिना बगाइ फलाउँला'नी सुन ।

नेपाल देश लेख्नु छ !!

2009-09-09T23:26:00.000-07:00

,
अनुकुल प्रकाश
.
गजल विशेष लेख्नु छ
आफ्नै परिवेश लेख्नु छ !!
.
हिमाल पहाड तराइ एउटै
एउटै मधेश लेख्नु छ !!
.
घर-भित्रै घाती पाल्छौं
सबलाई जागेस् लेख्नु छ !!
.
ओकल्नु छ अग्निज्वाला
बदलेर भेष लेख्नु छ !!
.
सिमा-पार ति वैरीलाई
रातो सन्देश लेख्नु छ !!
.
स्वाधिन र स्वाभिमानको
नेपाल देश लेख्नु छ !!
.
धन्यवाद !!